“Bukan salah ibu mengandung tapi salahke bapak yang punyo burung,”

Malik kawan sebelah rumah aku yang kurus, jangkung tejolor dak laku-laku samo betino pernah cerito.  Apo cerito dio? Mak inilah ceritonyo.

“Bukan salah ibu mengandung tapi salahke bapak yang punyo burung,”

suatu pagi kami ngopi bareng, suasana pagi cukup pantes kalu untuk nyantai, ujan deras turun dari pucuk langit dak berenti-renti, angin kenceng niup-niup rumah sampe-sampe pager pacak nutup dewek, ditambah bunyi petir bedendam-dentum.Ai cocok nian nyantai di rumah sambil ngudut, plus kopi anget di pagi hari.

Singkat cerito, Malik curhat soal betino, dio ngmong la banyak pengalaman soal betino, kelakar dio sering gonta-ganti pacar, sampe-sampe emak pacarnyo yang ngari kerumah buat jodohke anaknyo samo dio.Omongan malik setengah tiduk biso dipercayo, sangkin hebat becerito kito becak dihipnotis. Pokoknyo, intinyo percayo bae.

”Broo,,,kau tau dak Luna Maya tu mantan aku,” kelakar malik yang aku anggap gilo. Tapi idak sampe disitu bae, ruponyo, malik nyiapke Hp yang ado gambar dio lagi bepegangan tangan samo Luna Maya beduo.

“Cacam,,,,asli nian apo broo,,,” seraso dak percayo.“Iyo broo,,,,asli. Aku pernah tinggal di Jakarta dulu,” pakam omongan Malik semakin gilo. Ruponyo bukan foto ini bae yang ditunjukenyo, dio jugo nunjuke beberapo foto lainnyo, di Hp nyo banyak foto samo artis Nikita Wili, Marsanda, cinta laura, Putri titian, sampe Nabila Syakib.

Bedentam-dentum petir nyamber makin kenceng tedenger, Malik ngajak pindah duduk dari teras depan pindah ke dalam ruangan tamu. Dio ngomong nak nunjuke rahasio dio yang lainnyo. Ok lah,,, aku turuti bae, siapo tau ado nian ilmu yang pacak aku dapet dari dio.

Sudah pindah kedalam ruangan, suasana agak anget dikit, idak sedingin di luar tadi. “Nah, bro apo nian rahasio kau lagi, ngapo selamo ini kau dak laku-laku,” kato aku penasaran samo dio.

“Bukan idak laku brooo,,,,,susah aku jelaske ceritonyo panjang,” jawabnyo singkat. Sudah aku bujuk-bujuk akhirnyo Malik baru galak cerito, kalu awal kejadian dio idak laku kareno sumpahan uwong tuonyo.

“Waktu emak aku ngandung aku, bapak aku hobi meliharo burung,” sambung Malik. “Emak aku ringam denger suaro burung, jadi mintak bapak aku nyingkirke burung-burungnyo. Tapi masih bae bapak aku meliharo burung,” ungkap malik serius sambil pegang segelas kopi anget di tangan kanan.

“Nah,,,laju apo masalahnyo burung bapak kau, samo kau yang dak laku-laku, broo,” tanyo aku penasaran.

Singkat cerito, Malik neruske omnganyo tadi, “Sangkin ringamnyo emak aku, dio marah-marah yumpahi burung bapak aku. Mugolah lanang dirumah ini burungnyo ilang galo, “ lantak,,,, ilang nian apo idak laju burung bapak Malik?

Ruponyo idak menurut cerito malik, bapaknyo bebalik nyumpahi emaknyo.“kato bapak aku,,,,kalu burung dio ilang galo, bayi yang emak kandung agek bakal jadi apo, lanang idak betino idak,” cerito Malik jelas.

“itulah Broo,,,,mangknyo namo aku dinamoi Malik. Soalnyo emak samo bapak aku saling malik-malike sumpahan,” katanyo sambil ngeluh.

Sedikit penasaran, “Nah, jadi burung kau apo yang ilang, Lik,” kato aku. “Bukan itu masalahnyo Bro,,,,” kato Malik. “Nah, laju apo masalahnyo sampe kau idak laku-laku bro,” desak omongan ke Malik.

Hujan petir yang diluar tadi becaknyo tejigok sudah mulai reda, Malik diem bae ngedem melamun becak punyo masalah sepanjang jaman. Aku cubo terus desak Malik, “Oi Lik, jadi apo masalahnyo, kau dak seneng betino apo,” kato aku ngejer jawaban Malik.

“bukan Broo,,,,” katonyo.“Nah, laju Apo Broo,,,,,kau seneng samo lanang apo,” aku kejer lagi jawaban malik.

Ruponyo jawabanyo masih idak jugo. Sesudah suasana rada tegang dikit, ujung-ujungnyo Malik baru galak jawab. “Aku idak seneng samo lanang apo lagi samo betino bro,,,,” nah nak gilo Malik ngapo pacak dak katek nafsu tu.

“Laju kau nak seneng samo apo brooo,” aku tambah kesel denger cerito malik.

Demlah aku tinggalke bae kalu mak itu, aku nak balek kalu dak katek jawaban pasti. Pas aku nak keluar dari pintu rumah, Malik baru galak ngomong, ”Broo,,,, kau jangan cerito samo sapo-sapo ye, aku seneng samo banci brooo,,,” matekkkkkkkkkkk, Malik la gilooooooo, ai dem kaburrr aiiii wkwkwkwkwkwkwkkw.